Universiteti Barleti kujdeset për kohën e studentëve të kaluar jashtë auditorit. Si i tillë, angazhimi i studentëve në klube ku fokus është nxitja e imagjinatës, kreativitetit dhe mbështetja për realizimin e ideve të tyre është një nga pikat e forta të këtij universiteti.
Studentë, ju pëlqejnë librat? Kërkoni shpesh njerëz për të diskutuar rreth librit që po lexoni? Ndoshta nuk po lexoni aq sa dëshironi dhe doni të inkurajoni veten që të merrni një libër më shpesh në duar? Shumë njerëz duan të lexojnë, por mund të jetë e vështirë të gjejnë dikë për të folur rreth librit, apo të gjejnë dikë që t’i orientojë drejt një libri që të përmbushë dëshirën dhe fantazinë e tyre. Për të apasionuarit e librit, ky është klubi i duhur.
Fantazia e librit i duhet medias, ndaj ky klub studentor vjen i gershetuar mes imagjinates dhe teknikave për ta vendosur në zbatim. Media është organizimi ideal për të ndërtuar dhe forcuar marrëdhëniet midis studentëve dhe lojtarëve kryesorë të tregut të mediave, përmes botimeve në Revistën e Studentëve, bashkëpunimeve me zyrën e Marketingut, realizimeve radiotelevizive dhe aktiviteteve të ndryshme të organizuara nga gazetarë dhe personalitete nga bota e medias.
“Uniba Magazine” është revista studentor, që do drejtohet nga studentët e klubit të Librit dhe Medias, dhe do shërbejë si një forum idesh të cilat nxisin kreativitetin dhe vendimmarrjen tek të rinjtë.
Qëllimi i këtij klubi është orientimi, diskutimi, bisedë, shkëmbime librash e idesh për zhanre të ndryshëm, autorë të huaj e shqiptar, klasikë e modernë. Ftesa shkrimtarëve shqiptarë apo gazetarëve të ndryshëm, për tu bërë pjesë e diskutimeve studentore. Shkrimet, botimet, konkurset letrare dhe aktivitete krijuese do të jenë qëllimi kryesor.
SI DO TË FUNKSIONOJË KLUBI?
Pjesë e këtij klubi do të jenë studentë të universitetit Barleti (studentë të të gjitha profileve të studimit) që duan ta zhvillojnë intelektin, kulturën dhe njohurinë e tyre përtej fushës së studimit që kanë zgjedhur. Një nga synimet e këtij klubi është takimi nga afër me shkrimtarë dhe gazetarë shqiptarë, por kjo mbetet në zgjedhje dhe dëshirë të antarëve të klubit.Të dallojmë studentët që kanë prirje për të shkruar, poezi, provë apo publicistikë dhe t’i nxisim e promovojmë ata.