Klubi i Artit dhe i Kulturës synon të organizojë studentë të apasionuar pas muzikës, pikturës, kërcimit, aktrimit, regjisë, skenografisë, kostumografisë apo fotografisë, në aktivitetet artistike-kulturore që zhvillohen gjatë vitit akademik. Gjithashtu studentët e antarësuar pranë këtij klubi, zhvillojnë workshop, me të ftuar profesionistë të profesioneve përkatëse.

Studentët e apasionuar pas fotografisë mësojnë duke u argëtuar, duke shëtitur dhe duke sjellë në jetë ngjarje përmes fotografisë.

Pjesëtarët e këtij klubi nën drejtimin e regjizorëve dhe koreografëve profesionistë, realizojnë shfaqe teatrale dhe artistike duke përfaqësuar universitetin në konkurse kombëtare dhe ndërkombëtare.

SI DO TË FUNKSIONOJË KLUBI?

Pjesë e këtij klubi do të jenë studentë të universitetit Barleti nga të gjitha programet e studimit, Alumni dhe gjimnazistë nga e gjithë Shqipëria.

Ky klub ka për qëllim që të motivoj dhe të ofroj mbështetje për studentët Barletas të cilët kanë talente të spikatura ku pavarësisht programit të studimit kanë mundësi ti zbatojnë. Klubi i Artit dhe Kulturës do të zhvillohet në një ambient ku anëtarët e tij do të kenë mundësi të ndërveprojnë me studentë të tjerë, por edhe me profesionistë të fushës.

Klubi duhet të mblidhet të paktën një herë në muaj ose prova intensive në varësi të projektit. Klubi do të ngrihet, zhvillohet dhe mbështetet nga: Qeveria Studentore, Dekani i Studentit, dhe Alumni. Qëllimi është që Klubi të nisë të ketë pavarësi në funksionim dhe të vetë-ndërmarrë nisma dhe evente në fushën e Artit dhe Kulturës.

MENTOR I KLUBIT:

...

Universiteti “Barleti’’
Adresa: Tiranë, Rruga Frang Bardhi, Selitë
...
Telefon:
E-mail:
web: www.umb.edu.al